鐵牛台灣牛肉麵 (金巴利道) (已結業)

上星期打算喺公司附近的鐵牛食晏，發現餐牌改咗，食齋嘅我唯一選擇「養生素食便當配黃金地瓜飯」都消失埋。以前和朋友、同事午餐可以去鐵牛，就係因為有呢個便當，我揀我食的，佢地揀佢地食的，唔同理念嘅人都可以坐埋一枱。呢兩三年睇住個便當嘅轉變，由以前午餐可以配餐飲；後來改咗只能散叫，飲嘢要另加錢；到而家消失埋。果日我地已經坐低、開埋單，最終都係無嘢可食要去第二度。今日我地係咁要劃分我係乜嘢人你係乜嘢人，多謝鐵牛咁乾乾脆脆將齋人同非齋人成功劃分，我可無所牽掛揮手遠去。