時代冰室 (環球工商大廈) (已結業)

今晚約左朋友放工健身，當然係要食飽飽先上路，就黎到附近嘅時代冰室（大渣狗 對面）食個又抵又好味嘅晚飯。1. 蔥油無骨雞叉燒伴三眼煎蛋飯朋友點嘅切雞叉燒煎蛋飯，燒味份量比一般燒味店多少少，蜜汁叉燒、雞肉嫩滑；三為一體嘅半生熟煎蛋都好有特色，鯨吞三份蛋黃汁好滿足；白飯亦都好大份，能量滿滿嘅燒味飯！2. 板煎雞扒伴3.6牛乳滑蛋蓋飯我點嘅雞扒滑蛋飯，一個好有日式味道嘅蛋蓋飯，大塊拉麵紫菜冚喺面，雞肉上面淋有紫菜碎、沙律醬同燒肉醬，好似日式章魚燒咁，口感豐富，雞扒亦都煎得啱啱好，肉嫩有肉汁；滑蛋份量好多，可以將個飯完全覆蓋，一啖飯一啖蛋，好滿足！埋單每人60蚊免加一，而家午市閒閒地都50蚊起，呢間晚市60蚊包埋餐飲，食飽飽得黎味道又唔差，真係打工仔良心飯堂！