入魂鐵板燒 (已結業)

朋友帶我去九龍城呢間鐵板燒餐廳慶祝生日🎉，餐廳嘅質素真係好驚喜。餐廳近宋王臺站，行幾分鐘就到。環境優雅，座位舒適，師傅非常有經驗，服務貼心👏。今次我地叫左個晚市入魂套餐二人前（$1580），價錢親民，菜式豐富。開餐前，師傅逐個介紹食材，真係好有心！瀨尿蝦同鮑魚仲係活生生，佢地仲識郁，睇到都知好新鮮🦐。♥︎ 大南非鮑魚：鮑魚新鮮清甜，口感彈牙，真係鮮味十足♥︎ 斑馬瀨尿蝦：朋友知瀨尿蝦係我既favour，所以專登叫呢個餐比我食！瀨尿蝦肉質鮮嫩彈牙，配埋乾蔥白酒好惹味😋👍。♥︎ 是日海鮮：北寄貝肉質爽口彈牙上面放左D脆脆既白飯魚口感好得意😊♥︎ 季節魚：香煎馬友 師傅用心煎到外脆內嫩，魚肉鮮美🐟♥︎ 清酒煮蜆：蜆肉嫩滑，清甜，清酒味好重🍶，食完蜆肉仲飲左幾啖清酒♥︎ 美國牛肉薄燒：牛味濃郁，加埋蔥同蒜片一齊煎好惹味🥩。最後仲有沙律、炒菜、炒飯、湯、漬物同埋甜品！師傅知我生日仲專登幫我用炒飯畫左個心❤️出黎🤗另外黃糖烤麵包又邪惡又好味🤤，甜甜脆脆，外層焦糖剛剛好，為整個晚餐畫上完美句號🍞。