小曼谷海鮮燒烤屋

营业中

休息中

去九龍城食泰國菜就一啲都唔陌生啦，食過咁多間我始終都係最鍾意食小曼谷燒烤嗰間。冬蔭鮮蝦餛飩湯（$132）呢個好掋食，因為有好多粒雲吞，而雲吞入面仲有大大隻爽口嘅蝦，呢個份量仲可以分到5-6碗湯。味道上，辣就唔係好辣，但有少少偏鹹。泰式鮮蝦炒金邊粉（$89）每次食泰國菜都要嗌pad thai～呢度啲金邊粉炒得好乾爽彈牙，配埋青檸汁更refresh！椰汁涼粉冰（$32）有好多涼粉，食得好開心。但個椰汁有啲太甜，加啲水個味道就perfect了。椰汁西米糕（$48）同泰式千層糕（$48）兩隻都好煙韌好香，泰式千層糕個口感無得頂，而我就覺得西米糕冇咁濟。