影片
更多
2018-04-21
838 浏览
無意見到openrice 啲 high tea set 好吸睛, 好鬼靚, 今日放假 14:00 特登出嚟觀塘諗住影返輯靚靚high tea, 誰不知....天啊, 原來Dreamix high tea 只在weekend 才有供應.....擺左個大烏龍。Lunch 都未食, 冇計啦, 望入去餐廳見佢哋嘅裝修都幾特別, 點都要食個午飯先落樓才不枉此行。入門口即點餐, 付款後找個位置坐, 食物便會送上枱, 今日有5款 set lunch 供應。擺設好 young角落位有一個大大的書架放滿了烹飪書, 呢個時間點 hea 都唔阻住人做生意, 結果我睇了兩烹飪本書才走。招牌海南雞飯 ($78/set lunch)set lunch $78已包了冬陰功湯、海南雞飯、飲品及甜品, 仲唔使加一, 抵過去食大O樂或活活。餐湯 : 冬陰功湯香矛香草好強勁, 嘩! 巧辣呀!冬瓜雞湯則清甜, 唔油膩。海南鷄配冬瓜雞湯及雞油飯, 先睇睇個海南雞, 雞嘅分量唔少, 雞肉浸得剛剛熟, 但雞皮嘅脂肪就比較厚咗少少, 年紀大唔敢食了, 去皮拈少許泰式薑蒜辣醬及少許甜豉油食, 鷄肉非常嫩滑香口。個蒜香南薑雞油飯香噴噴,
Lunch 都未食, 冇計啦, 望入去餐廳見佢哋嘅裝修都幾特別, 點都要食個午飯先落樓才不枉此行。
入門口即點餐, 付款後找個位置坐, 食物便會送上枱, 今日有5款 set lunch 供應。
擺設好 young
角落位有一個大大的書架放滿了烹飪書, 呢個時間點 hea 都唔阻住人做生意, 結果我睇了兩烹飪本書才走。
招牌海南雞飯 ($78/set lunch)
set lunch $78已包了冬陰功湯、海南雞飯、飲品及甜品, 仲唔使加一, 抵過去食大O樂或活活。
餐湯 : 冬陰功湯
香矛香草好強勁, 嘩! 巧辣呀!
冬瓜雞湯則清甜, 唔油膩。
海南鷄配冬瓜雞湯及雞油飯, 先睇睇個海南雞, 雞嘅分量唔少, 雞肉浸得剛剛熟, 但雞皮嘅脂肪就比較厚咗少少, 年紀大唔敢食了, 去皮拈少許泰式薑蒜辣醬及少許甜豉油食, 鷄肉非常嫩滑香口。
個蒜香南薑雞油飯香噴噴, 米飯乾身, 粒粒分明, 吸收了鶏油, 南薑及蒜香, 又香又有咬口, 香而不鹹膩, 好食。
甜品 : 椰汁糯米飯配香芒巴菲
椰汁糯米飯是暖的，香芒巴菲是冰凍的, 一冷一熱, 巴菲芒果味濃 , 天然芒香, 口感幼滑, 椰汁也濃杰, 衹是糯米飯偏濕軟, 我較愛吃偏硬及口感煙韌的糯米飯。
餐飲 : 泰式凍奶茶
泰國奶茶有別於港式奶茶, 除咗顏色偏淺赤色, 味道我硬係覺得泰國奶茶有陣似花非花既香味, like 架, 所以去泰國一定幫襯街邊嘅奶茶檔。
一邊歎住泰式奶茶, 一邊聞聞書香, 就係咁....消磨咗1.5小時, 工作嘅時間過得特別慢, 但hea 的時間過得特別快。
张贴
