大圍小食

营业中

休息中

大圍多野食已經不在話，今次急急腳湊完囡游水，就過左呢間經典小食店買外賣拎番屋企食👍一直想試佢既煎釀三寶，因為比較特別係舊舊都好大粒，仲要有西蘭花釀魚肉，真心好食😋好少小食店會有😏搞到我都點左兩舊🤭另外，都要試埋臭豆腐！無得飛台灣住，唯有頂住先，職員姐姐超好人，可能知我為食，好叻咁問我要落咩醬汁🤣🤣 因為我有古怪嗜好，咩醬都要落今次因為游完水買番屋企一家人食，所以叫埋陳皮魚旦 ， 燒賣 加 雞脾，食到囡囡停唔到口😝 我鍾愛陳皮魚旦既辣醬汁，唔係超辣，但你會食到有香味，唔係平時個啲齋辣疫情好耐都無掃街啦，今日一次過掃晒佢，仲可以外賣得好乾淨咁帶返屋企食超開心