意粉屋 (已結業)

今晚約左女友行街街，係唔知食乜既情況下揀左去意粉屋，話說我N年冇去過意粉屋食飯，點知原來d款式多左咁多，對住個餐牌幾有新鮮感，好快就揀左以下幾款美食，正式開動😋 先黎個哈密瓜風乾火腿伴意大利黑醋，呢樣係有少少驚喜既，哈密瓜同火腿果然係絕配。 再黎芝士肉醬意大利粉，老土d講句，黎意粉屋當然要食返個意粉啦😂，而意粉屋個肉醬意粉又係冇得輸既，待應仲會拎住一大舊芝士過嚟喺我地面前即時磨，想加幾多都得，讚😍 跟住就係主食啦，呢個芝士焗海鮮墨魚汁意大利飯，我同女友睇餐牌時已被它賣相吸引住，嚟到實物直頭口水都流埋啦，海鮮配搭適中，唔會太多，最欣賞佢個墨魚汁飯，夠味得黎唔會太膩，下次黎應該會成為我地必點之一。 食飽飽再加埋2杯特飲真係大滿足。