影片
更多
2021-03-17
85 浏览
禁晚市禁左咁耐，終於可以晚市堂食，即刻book台食好西🥳🥳不過呢間omakase相當難book, book左好耐先book到！ 日本白素魚條活魚到口仲游緊，個感覺好得意，咬落口好脆身，類似八爪魚吸盤既口感，魚本身無突出既味道，是好得意既一個前菜。左邊：松葉蟹肉加自家醃制蕃茄 ，香甜既蟹肉味👍🏻而個蕃茄有少少驚喜，無草青味，帶少少甜既味道應該黎自自家制醬汁，令到唔食生蕃茄既我都覺得好食👍中間：炸香魚，未食都聞到香噴噴炸魚味，不過肚既位置有少少苦！右邊：紅菜頭漬物，好香麻油味但入口唔會覺得油份重，反而仲幾清爽。魚肝醬剝皮魚刺身鵝肝醬食得多，魚肝醬真係第一次食。剝皮魚刺身口感偏軟林混和魚肝醬既油份令到口感好軟滑，仲有淡淡既魚油香。土佐啫喱加小長井蠔土佐醋係日本涼拌食物常用既一種醋，師父用呢種醋黎整左個啫喱配上長崎小長井蠔，土佐醋酸味帶出蠔既鮮味，蠔身厚肉清爽，貝柱位好鮮甜。淡路島針魚刺身 呢款魚，油脂量極底，所以唔係食魚油香味，食個魚本身清淡鮮甜味，所以配上既醬汁相對簡單，醬油+蔥+薑蓉，師父叮囑點少少就夠。 我個人覺得，唔點都可以，因為本身個魚確係偏淡鮮甜，唔點醬油，更能夠食到針魚本身既鮮
不過呢間omakase相當難book, book左好耐先book到！
日本白素魚
條活魚到口仲游緊，個感覺好得意，咬落口好脆身，類似八爪魚吸盤既口感，魚本身無突出既味道，是好得意既一個前菜。
左邊：松葉蟹肉加自家醃制蕃茄 ，香甜既蟹肉味👍🏻而個蕃茄有少少驚喜，無草青味，帶少少甜既味道應該黎自自家制醬汁，令到唔食生蕃茄既我都覺得好食👍
中間：炸香魚，未食都聞到香噴噴炸魚味，不過肚既位置有少少苦！
右邊：紅菜頭漬物，好香麻油味但入口唔會覺得油份重，反而仲幾清爽。
魚肝醬剝皮魚刺身
鵝肝醬食得多，魚肝醬真係第一次食。剝皮魚刺身口感偏軟林混和魚肝醬既油份令到口感好軟滑，仲有淡淡既魚油香。
土佐啫喱加小長井蠔
土佐醋係日本涼拌食物常用既一種醋，師父用呢種醋黎整左個啫喱配上長崎小長井蠔，土佐醋酸味帶出蠔既鮮味，蠔身厚肉清爽，貝柱位好鮮甜。
淡路島針魚刺身
呢款魚，油脂量極底，所以唔係食魚油香味，食個魚本身清淡鮮甜味，所以配上既醬汁相對簡單，醬油+蔥+薑蓉，師父叮囑點少少就夠。
我個人覺得，唔點都可以，因為本身個魚確係偏淡鮮甜，唔點醬油，更能夠食到針魚本身既鮮甜味。
火灸太刀魚
入口之後，先黎輕輕焦香，後勁既魚油香，又幾好食👍👍
火炙銀雪魚BB 配醋麵豉醬
呢個汁有少少驚喜，又醋又麵豉，食落口竟然帶甜味👍👍
平時食燒銀雪魚，燒起好重油香，有時食到尾仲會覺得膩。
關鯖魚配自家制白昆布
關鯖魚口肉質扎實富有彈性，魚味較濃，配上輕酸自制昆布，令鯖魚鮮味大大提升。
中間夾住少量大葉絲，味太重，有少少搶左魚鮮味。
中拖羅配岩鹽wasabi
拖羅都食得多，間中會食到有帶筋既，但師傅話日本人專簡有筋既部份黎食，話有筋先香🤣
呢件中拖羅食落有少少筋
燒大醬吞拿魚腩
剛食完件刺身，隨後再試1件火炙吞拿魚腩，經火燒一燒，魚油更出更香，紫菜有助減低油膩感，中間塊大葉雖然味重，但配上咁重油份既拖羅竟然意外咁夾😊👍
當造螢光魷魚醬油燒
當造果然唔同D，好飽滿既魚身，入面充滿住魷魚膏😱原來魷魚都有膏，口感軟滑，味道鮮甜，比起蝦膏蟹膏唔算濃味。
魷魚身經過火海輕燒，有輕輕焦香味。平時螢光魷魚多數係刺身醬油漬，今次做串燒，味道係屬驚喜之作👍
口岸蠔
肉厚肥美，唔會有熟蠔經常食到既金屬味👍👍貝柱位比較有咬口但又未去到咬唔爛，係愈咬愈鮮甜。🥰
北海道A級馬糞海膽，一隻海膽有5瓣肉，一件海膽壽司有6至7瓣肉，我1啖食左隻半海膽😱😱口感雪糕咁軟滑，勁鮮甜，零死角無瑕疵。
活赤貝壽司，師傅刀功令到赤貝好似好大片，明明平平無奇，經師父搓完再一下拍落刺身度，拍醒左件赤貝，立即立體左🤣🤣🤣最後加上即刨生柚皮，入口鮮甜之餘有輕淡柚子香。配合得好好👍👍
金線鯛，魚身有條閃令令既金線而得名，火炙處理過，熱度令魚油勁香。
深海大池魚，不過不失，預期中既鮮甜味美。
拖羅，已起筋，同樣入口即溶，口感極度細滑。
抹茶牛奶凍
抹茶味唔算重，奶凍入口即溶，好香牛奶味，但又唔會漿住口腔。就算飽都好有衝動食多杯🥰🥰🥰🥰👍
好滿足既晚餐😃
餐廳服務好好，全晚不停換熱茶，熱毛巾👍🏻師傅除左介紹食物外，都會好主動講下日本飲食文化。
服務好好，食物質素更好。👍👍👍👍
张贴
