金山海鮮酒家 (已結業)

話說N年前喺佐敦返工嘅時候，最鍾意跟老細去呢度食飯！難得今次有朋友喺外國返嚟竟然主動話想試呢間，因為好多朋友推薦喎🤣所以順便當再次重溫返當日嘅味道啦以前黎襯必食佢哋嘅貴妃雞，因為真係做得好滑！而今次朋友話事，點咗炸子雞.....個人覺得真係普通咗啲，好多大酒樓都做得好食過佢！椒鹽白飯魚每一條魚嘅size都好大😍皮脆肉嫩，加上炸蒜同淮鹽，非常惹味！ 薑蔥生蠔煲5隻中至細蠔......其他全部係薑蔥😓我最愛嘅黃金蝦以前做得非常之鹹香惹味，炸過嘅大蝦鋪滿鹹蛋黃汁，但係今次食嘅就明顯同以往嘅有分別....好彩蝦嘅質素都算彈牙新鮮，得一隻係霉既！油鹽水花甲粉絲煲花甲大隻，內質新鮮彈牙，湯底好鮮甜，仲有菇菌類同埋粉絲，讚👍🏻