翠林小館 (已結業)

就嚟搬離呢一條村， 以後好少機會食番呢一間嘅人情味喇， 所以 昵幾日盡量去多啲， 呢間小店真係好用心製作， 只係好簡單嘅酸薑皮蛋 佢都整到兩條金魚出嚟真係好靚 呢一個小食我成日都食， 今次再嗌埋椒鹽白飯魚 呢個唔怕熱氣真係要試 送酒真係一流 蒜蓉蝦乾蒸娃娃菜， 蝦乾嘅味滲入咗落娃娃菜度 鹹甜分明，正 再嚟多個土魷蒸肉餅 我個仔至愛 經常叫 仲有佢不含味精嘅例湯 真係零舍好飲 無奈就黎要搬走喇， 變咗以後就少機會食到咁有人情味嘅家常便飯。