餐廳新裝修感覺時尚，地方闊落，氣氛很好，環境舒適寫意。
46
鹽燒鮮三黃雞腿肉 $28
散發陣陣燒烤香氣，帶少少鹽味，雞肉嫩滑有肉汁，好香好惹味。
鹽燒原塊雞皮 $22
雞皮都好大片，燒得好脆卜卜，加左調味粉令口感更有層次，非常惹味。
鰻魚炒飯 $58
鰻魚燒烤香脆，肉質鮮嫩，炒飯調味剛好，好足料，鑊氣夠。
蒜蓉燒日本廣島蠔 (兩隻) $48
燒蠔都好大隻，入口嫩滑好新鮮，配搭超多蒜蓉，下次一定要再點。
1
牛油果豚肉卷 $28
豚肉香脆，包住半溶嘅牛油果，食落入口即溶，口感順滑。
豚肉日本蘋果卷 $24
豚肉烤至香脆，口裏充滿油香，豚肉鮮嫩，包住清甜爽口嘅日本蘋果，減輕油膩感。
鹽燒豚肉荔枝卷 $22
豚肉散發燒烤香，外脆內嫩，帶鹹香味，包住清甜嘅荔枝，口感清新。
鹽燒白鱔 $48
白鱔肉質新鮮，口感嫩滑，用上鹽燒烹調，提升層次味道。
椒鹽燒多春魚 (4條) $32
炸至金黃酥脆，內裡魚卵豐富，用上椒鹽調味，風味十足。
香草蒜蓉包 $18
麵包烘至香脆，蒜蓉濃郁味㪚發出來，外脆內軟，亦充滿淡淡香草氣味。
冷泡無糖白桃烏龍茶 $18
入口清爽，帶點白桃香氣，食左多款串燒飲杯冷泡白桃烏龍茶，即時解渴解膩。
