安安燒 (染布房街) (已結業)

呢間係旺角既串燒長期都多人食，主要係因為野食正正常常，選擇都多，但其實個人就覺得有少少貴，但都可以接受。燒大蟶子好似4x蚊一隻，都算大隻，而且食得出好新鮮，全晚最好食係佢呀👍🏻👍🏻👍🏻👍🏻燒茄子都好出色，仲要幾大條，唔錯。燒雞腎牛脷個啲好似一叫就有兩串，雞腎細細粒，所以有啲咸。芝心丸好食，雞肉串都好味，如果有汁燒就更加好。另外冇影到辣雞翼，食得出係焗出黎再燒既，所以好一般。反而小食個個田雞幾惹味味，好食！份量都係偏細，但田雞肉幾厚實。燒韭菜就正正常常啦。