螢火蟲 (已結業)

尖沙咀有住林林總總嘅串燒，其中呢間串燒店開業不久CP值稱得上數一數二。入面坐位多數係高枱，勝在多大枱有坐得舒服，最適合一大班好友聚會！最讚不絕口嘅喺串煩嘅水準，菜單上有十多款串燒，烤製串燒時師傅掌握適量的火勢，令顧客們仍然駱驛不絕。先講講牛舌，尤其餐廳挑選肉身肥厚的牛舌芯，口感肥美甘香，而且牛味香濃！嚟到串燒鋪，一定唔會錯過燒多春魚。優質嘅串燒鋪會燒到多春魚啱啱好收乾水份唔會好痴住枝竹條，而且師傅會用心處理多春魚，考慮到多春魚燒起上嚟會出水，所以一開頭點樣控制火候都好考驗師傅嘅功架，而呢度就完全做到呢個效果。多春魚入口嘅時間絕對唔會散晒同爛晒，更加保留咗魚肉嘅少少彈性，最重要當然係多春魚嘅春，位於魚嘅中下方，每啖春都好完滿咁放入口，從舌尖慢慢將鮮味帶到喉嚨，非常吸引。雞軟骨四面受熱均勻，外皮先燒至金黃脆口燒得金黃。雞皮脂肪附近夾雜軟骨，讓口味更多層次。燒扇貝更是讚不絕口，用料上乘先食得到海鮮味重嘅扇貝，扇貝本身的鮮甜味，海鮮嘅鮮甜燒烤過後依舊保存！當然串燒嚟講，呢度師傅將鹽花嘅控制掌握得好到位，唔會將咸味蓋過本身食材嘅味道，非常值得推介。