泰皇悅

以上水來講，茶餐廳多，想搵啲特別嘅菜式食飯都比較難⋯


呢間泰國菜都開咗好多年，自己都食過不下五次，食物質素中規中矩，中等價錢，如果食物質素可提升，應該會有潛力吸引更多食客！


雞翼冬陰公湯金邊粉：雞翼炸得香脆，上枱時候仲係熱辣辣，冬陰公湯底味道唔算太辣，啱晒唔食得辣嘅我


乾炒雞肉河粉：覺得佢炒得比較濕，雞肉比較零碎，泰國菜來講唔算整得好食


🍹之前來食飯叫過凍蜂蜜蘋果茶，今日叫咗熱柚子蜜，兩次來講佢嘅特飲都做得比較遜式，好稀唔夠味，反而飲返普通檸檬茶奶茶較好