更多
2024-05-17
3 浏览
朋友好钟意食传统粤式菜又钟意西式有靓靓摆盘嘅餐厅,今次我就揾到呢间位于上环嘅fusion菜比佢叹。头盘首先嚟三样中式小食,一见到芝麻虾多士,卖相好吸引。唔单止系金黄色,佢做到酥脆,虾肉亦都有弹牙嘅感觉,食落唔会好重油分嘅感觉。另外陈醋蜜汁排骨味道酸酸甜甜,排骨腍滑,细细旧唔会太Heavy。仲有脆皮素春卷,都系炸到金黄色,睇到都食欲大增。之后就上湖区海鲜羹。话到明粤式菜又点可以冇汤呢?呢个汤用料十足,有唔同嘅菌类同海鲜,味道清甜,用嚟过一过头先食嘅头盘,再期待嚟紧嘅精彩主食。蒜蓉粉丝蒸扇贝一上枱嘅时候,我同朋友都不禁咁哗咗一声,份量好大,而且面头铺满咗蒜蓉,店员仲好热心咁提我哋要尽快食。成粒扇贝连埋蒜蓉粉丝摆落口𠮶种感觉好满足,既有蒜蓉嘅香,带子嘅甜味,粉丝更加系吸满晒所有食材嘅精华。之后就系棒棒吉列虾挂包,睇落同一般挂包唔同,佢里面系脆脆嘅虾饼,配埋软熟嘅包,口感好好。干烧姜汁鳕鱼摆盘似系食紧西餐嘅煎鳕鱼,但系个味道同煮法都系中式嘅。佢嘅鱼好滑 ,充满油香又吾会食到腻。甜品试到佢地嘅芝士蛋糕同柠檬挞,喜欢后者酸酸甜甜,几啱我。今次仲饮到钟意嘅Riesling,配埋啲美食都好夹。
头盘首先嚟三样中式小食,一见到芝麻虾多士,卖相好吸引。 唔单止系金黄色,佢做到酥脆,虾肉亦都有弹牙嘅感觉,食落唔会好重油分嘅感觉。 另外陈醋蜜汁排骨味道酸酸甜甜,排骨腍滑,细细旧唔会太Heavy。仲有脆皮素春卷,都系炸到金黄色,睇到都食欲大增。
之后就上湖区海鲜羹。话到明粤式菜又点可以冇汤呢?呢个汤用料十足,有唔同嘅菌类同海鲜,味道清甜,用嚟过一过头先食嘅头盘,再期待嚟紧嘅精彩主食。
蒜蓉粉丝蒸扇贝一上枱嘅时候,我同朋友都不禁咁哗咗一声,份量好大,而且面头铺满咗蒜蓉,店员仲好热心咁提我哋要尽快食。成粒扇贝连埋蒜蓉粉丝摆落口𠮶种感觉好满足,既有蒜蓉嘅香,带子嘅甜味,粉丝更加系吸满晒所有食材嘅精华。
之后就系棒棒吉列虾挂包,睇落同一般挂包唔同,佢里面系脆脆嘅虾饼,配埋软熟嘅包,口感好好。
干烧姜汁鳕鱼摆盘似系食紧西餐嘅煎鳕鱼,但系个味道同煮法都系中式嘅。佢嘅鱼好滑 ,充满油香又吾会食到腻。
甜品试到佢地嘅芝士蛋糕同柠檬挞,喜欢后者酸酸甜甜,几啱我。 今次仲饮到钟意嘅Riesling,配埋啲美食都好夹。
张贴