成班fd 行過灣仔街市, 心血來潮話想食海鮮, 因為係要一大班人先可以share 食到唔同種類既餸菜, 如果平時得兩三個人, 真係食唔到咁多架
成班餓鬼一坐低因為太肚餓, 即刻叫左碟快靚正既招牌蜜汁叉燒, 半肥瘦叉燒好夠juicy, 亦唔會燒得過燶
然後就食個冷盤, 日式冰鎮鮑魚, 所有鮑魚已經預先開好離左殼, 細心處理等你冇咁狼狽
肉質爽甜鮮味, d 汁唔會話醃到隻鮑魚過咸過老, 依然保持嫩滑口感
1
跟住就食下招牌菜之一, 金兜記即燒乳豬, 由呢幅無filter 既相片已經睇到, 佢塊外皮極香脆之餘唔會太油膩, 肉同皮既比例相當好, 令你會有一塊接一塊咁食既衝動
第一個海鮮黎喇, 大頭蝦兩食, 分開左椒鹽蝦頭同埋豉油皇蝦身, 炸得好徹底, 基本上係連殼都炸得好香脆可以咬開
但同時亦都唔會影響到佢肉質既鮮味, 鍾意啜蝦頭既朋友更加有福氣
嘩嘩嘩, 碟仙草蒸沙巴海龍躉洗唔洗咁大碟呀😂😂先聲奪人既威勢, 這就是霸氣
條魚即劏即開邊斬件蒸, 真係要用蒸先感受到佢既新鮮, 仙草原來即係蟲草, 最估唔到佢個底仲有堆金菇, d 蟲草金菇吸收晒條魚既精華, 特別惹味
花鵰蒸花蟹, 每一隻蟹都砌得好靚
而且隻隻都有蟹糕架
不過最驚喜係佢個蒸蛋, 比起平時食到既蒸蛋更香更滑, 秘訣原來係佢用左鮮龍蝦汁黎蒸蛋, 入晒味好正
呢個懷舊砵仔焗魚腸, 配左香蔥及莧茜, 完全僻左魚腸既腥味, 好香好重魚味
呢個拔絲咕嚕肉, 個做法相當聰明, 糖霜用拔絲代替, 拔絲成形後唔會影響到咕嚕肉既香脆口感, 唔會好似平時d糖漿咁痴住舊肉而變淋
食左咁多, 係時間食番個菜健康下😂有呢款黃沙豬潤浸莧菜, 上湯浸菜清清地幾好味
最後甜品有桂花糕紅棗糕兩款, 桂花糕好清香
紅棗糕勁香紅棗味, 兩款平分秋色, 打和啦, super!! 最後大家都食到捧住個肚走人🙈
