影片
更多
2010-10-24
36 浏览
我最滿意既燒烤場，食材多原化、多選擇，醃肉新鮮又好味，地方寬倘開揚又夠大，有電視有燈有風扇有音樂。服務都幾好，但仍有好大改善空間。而最差最差係洗手間，惡劣程度屬地獄撒旦級，閒日都免強接受到，但大時大節假日多客既時候真係慘不忍睹，直程唔敢去洗手間，衞生情況實在太恐怖 ﹗見樓下位朋友話交通唔方便，我覺無問題喎，係大埔火車站有小巴有巴士到架喎 ~ 仲會途經大埔墟、舊墟同大埔中心添，就算的士都係 HKD50-70，五個人搭都係每人十幾蚊乍喎。本人係大埔友，所以咁多年都經常黎，同麥師父老闆都幾念熟，所以好多時攞位、攞野食都方便啲 ~ 今次黎，又見擴充左，又多左一大遍燒烤地方喇，但係個小農場最終都要拆掉。地方開揚又夠晒大，雖然望唔到海，但都算係海邊啦，行落沙漢仲可以挖沙蜆添 ~今日未見爆場，可能因為聽日好多人都要返工啦，天公做美，無落雨仲睇到月光添。食飽既餘興節目就係玩煙花同放孔明燈囉 ~ 今日星期日無任食，只可以叫套餐，其實叫套餐最抵食，再加啲散叫已經飽到食唔落，會剩好多野。對上幾個月搞左次廿幾人燒烤，散叫洗左 HKD2400，仲未計飲品喎，啲野多到燒多次廿幾人都可以呀，好浪費 ~ 之後計返，其
見樓下位朋友話交通唔方便，我覺無問題喎，係大埔火車站有小巴有巴士到架喎 ~ 仲會途經大埔墟、舊墟同大埔中心添，就算的士都係 HKD50-70，五個人搭都係每人十幾蚊乍喎。
本人係大埔友，所以咁多年都經常黎，同麥師父老闆都幾念熟，所以好多時攞位、攞野食都方便啲 ~ 今次黎，又見擴充左，又多左一大遍燒烤地方喇，但係個小農場最終都要拆掉。地方開揚又夠晒大，雖然望唔到海，但都算係海邊啦，行落沙漢仲可以挖沙蜆添 ~
今日未見爆場，可能因為聽日好多人都要返工啦，天公做美，無落雨仲睇到月光添。食飽既餘興節目就係玩煙花同放孔明燈囉 ~ 今日星期日無任食，只可以叫套餐，其實叫套餐最抵食，再加啲散叫已經飽到食唔落，會剩好多野。對上幾個月搞左次廿幾人燒烤，散叫洗左 HKD2400，仲未計飲品喎，啲野多到燒多次廿幾人都可以呀，好浪費 ~ 之後計返，其實 12 人餐再加少少野已經夠喇 ~
回歸正傳，請野食喇，試過港九新界咁多間燒烤場，元朗、屯門、西貢、馬鞍山、石澳、淺水淺、等等，始終都係依度最好食、新鮮，醃得入味 ﹗燒烤技巧、烹調技術個個都唔同，所以味道、口感因人而宜 ~
沙嗲白鱔柳 ( 必食 )，好肥美、啖啖肉、新鮮嫰滑
沙嗲牛仔柳 ( 必食 )，肉味濃、嫩口、棉滑
沙嗲魷魚翼 ( 必食 )，爽口彈牙、味鮮
香草羊架 ( 必食 )，肉味濃、微騷香口
乳鴿 ( 必食 )，滷水入味、肉質嫰滑
蜜餞叉燒粒 ( 必食 )，肥瘦適中、口感彈牙有趙口、香甜美味
金沙骨 ( 必食 )，味道跟叉燒粒差不多，香甜美味，但要好有耐性同心機先燒得好
牛扒，肉味濃，但有啲靭喇
燒乳豬，要預訂，到時有專人即場堂燒乳豬，轉足個幾兩個鐘架，但時好時壞，有時皮脆肉嫰，有時隻豬仔肥到無人有，啖啖肥膏
麻辣雞中翼 ( 新出 )，朋友們好喜歡，搶住食，但我對麻辣不感興趣，雖然我無辣不歡
孜然雞中翼 ( 新出 )，味道香濃，好味，點都要試試
咖喱雞中翼，咖喱味濃，港式味道，醃得入味，我鍾意
乳香雞中翼，即南乳醬，好香
黑椒雞中翼，黑椒香，不太辣
蒜香雞全翼，要花長時間燒，味道唔錯
雞扒，非常嫰滑啖啖肉
雞腎，夠晒爽口
蒜香豬扒，濃郁豬肉味，肉豐盈，好味
多春魚，新鮮無霉肉，而且肉質仍有彈性
雞肉腸、芝士腸、玫瑰大紅腸、芝心丸、牛丸、貢丸、墨魚丸、龍蝦丸、炸魚蛋、獅子狗，唔洗醃既即食野，無特別
燴蕃著、牛油粟米、牛油蒜蓉金菇，好好味
烤棉花糖，飯後甜品
张贴
