三小漁

营业中

休息中

同三位朋友一齊食飯，餐廳離APM 5-10分鐘步行距離，係商業中心一樓。我哋選擇觀塘食飯，係因為工作區假日人比較少，用饍比較舒服，呢到又冇限時間。7點嚟到，見到門口有隻半米高左右嘅茄菲貓Lego, 餐廳裏面有好多Lego 卡通人物。檯之間距離好足夠，座位多卡位，食飯傾偈好合適。我哋叫隻半隻炸子雞，炸得啱啱好，雞滑，鹹度合適。梅子排骨，有7-8件，好味，酸酸甜甜，黃金炸魷魚，用鹹蛋黃炸嘅，剛剛炸好一定好味。仲叫咗個菜，金銀蛋菜，落咗好多靚嘅皮蛋，鹹蛋，又有鮮味嘅高湯，呢個菜真係做得好好，越簡單嘅菜越少餐廳會認真做。雜菜粉絲煲水準幾好。