揀得啱車仔麵 (已結業)

是咁的係中環做完嘢，原本諗住hea hea哋食個麵，點知呢間嘢真係有驚喜。一坐低就隨便叫咗個四餸麵，粗麵、黑松露餃、牛肋條、雞翼加個菜。麵面嚟到一飲個湯已有驚喜，唔係味精湯底，飲落好濃郁，即時已經飲多兩、三啖，再溝埋個沙嗲醬，成個湯底真心正！牛肋條同瑞士雞翼都係水準以上，好入味，但最正都黑松露餃，真係好香黑松露味，以前食過嘅都冇咁濃，下次再食可以叫兩個餸都係黑松露餃。個粗麵都冇慳皮，竟然彈牙得黎有蛋味，食得好過癮。呢間嘢真心值得一食，最推薦係黑松露餃，其他地方食唔到呢隻味，隔離枱食水煮魚極香，香到我下次應該會挑戰一下。