二樓呢間餐廳有室外，室內可以坐。我地揀左室外，可以睇到少少中環景，吹吹風，仲有文藝古典feel既户外茶座作背景可以影相🌃。
餐廳職員好nice，又主動同我地傾計，推介我地食咩，介紹我地坐邊個位有咩靚景睇。
食物Menu主要係印泰野食，我地點左個豬肉串燒🍖同青咖哩雞飯🍛share，仲叫左兩杯野飲🥂。
串燒$58有四串，每串都好多肉，好抵食。青咖哩飯$82，唔太辣，好香，啱怕辣人士食。野食既香料味唔重，菜前又有免費薄片脆脆送做小吃🥜，不錯。
我點左杯Campari Orange飲🍸，因為混左橙汁，只有少少酒味，幾易入口。
這餐飯我們每人平均只要$130，價錢以中環區，仲要有景黎講，算係超值！😋
