珺

营业中

休息中

大家年初一想出街食素菜午饭，就谂起依啲时间出中环可能仲冇咁多人，所以就嚟依度食，仲要本身地点响兰桂坊隔离，由地铁站行上嚟都唔系远。同埋本身里便好多窗光猛开阳，装修亦都唔错，所以响呢度食午餐感觉都特别精神爽利。但系挂住食真系唔记得叫咗啲乜嘢菜，净系记得呢度个数叉烧做得又靓又好味，从来都唔会失望。佢个栗子煲就系稳阵之选，唔会点样失手，味道亦都唔错。素咕噜肉又系另外一个一定会叫嘅𩠌，都系因为佢整得又脆又好味。豆腐又系另一个稳阵之选。佢个炒饭味道都好香，饭粒都好有咬感，唯一系个份量希望可以多少少。剩返呢个唔记得咗系乜嘢𩠌，净系记得都系好味嘅。