利寶會館

营业中

休息中

屋企人生日就同佢地去中環新開嘅利寶會館食中菜。環境幾大，設有vip房，裝修典雅，晚市除咗中菜仲有提供點心。  前菜水晶鮮蝦餃 + 一口和牛酥前菜係兩件點心，一口和牛酥賣相精緻，外皮好酥脆，完全唔油膩。水晶鮮蝦餃皮薄餡靚，蝦肉彈牙爽口。  蜜瓜燉螺頭湯食完點心就有每人一盅燉湯，好足料。燉湯清甜，材料有蜜瓜、花膠同螺頭，花膠好重骨膠原。 酒香南非鮑魚角店員即場加入料理酒爆香鮑魚角，鮑魚角好重酒香，彈牙香口，加上其他配菜例如冬菇、芹菜等，好惹味。 香煎星斑件星斑件好大件，煎香後外皮香脆，星斑好厚身，肉質嫩滑。底層有鍋巴，好鬆脆。薑蔥焗乳鴿屋企人最鍾意食乳鴿，呢一道薑蔥焗乳鴿就啱晒佢。上枱時用煲仔裝住，乳鴿幾大隻，皮脆內嫩，加咗薑蔥好入味。濃湯浸時蔬時蔬鮮嫩清甜，為今餐畫上完美句號。甜品係杏仁茶配以酥皮蛋撻，蛋撻好酥脆，蛋漿幼滑有蛋香。