燒烤堂

营业中

休息中

忙左成日🥱，難得今晚約朋友食飯，梗係想搵個地方飲嚇嘢食嚇嘢啦！今日就嚟咗中環食一間居酒屋食嚇串燒啤啤佢！🍻入到舖頭嘅氣氛同環境非常之好！👍🏼而且食物嘅價錢好平民化，仲要選擇十分之多～我同朋友都急不及待叫咗杯生啤飲咗先🤤重點推介鹽燒和牛牛小排，和牛油脂比例平均，口感嫩滑，而且外面燒得好香，內裏保持半生熟保留肉汁，水準極高！😋鹽燒白鱔都相當有驚喜！🤩外皮燒到勁香脆，白鱔食落爽口彈牙，而且冇骨，配合鹽調味更加能帶出白鱔本身嘅鮮甜！👍🏼豚肉日本蘋果卷，每次食居酒屋都會見到有配合水果嘅串燒，但係又真係出奇地好食！🥹水果嘅甜味同豚肉嘅鹹味互相衝擊，但係又好夾！🫰🏼最後梗係唔少得蟹膏燒飯團啦，濃濃嘅蟹膏鋪滿咗成個飯團，每啖口感都好滿足！另外呢度嘅牛油包都做得好有特色，簡單又美味！😌