影片
更多
2019-08-20
85 浏览
難得朋友從外國番黎，好幾年冇同佢慶祝過生日了！我地兩個都特別鍾意食日本菜，尤其海膽，經過一輪research後，決定帶佢黎中環S2 kitchen食好西～～十層海膽杯 ($398) 🌕🌕🌕🌕🌕黎得S2 Kitchen，相信好多人都係因為佢冒名而來，愛麗絲都係～～依個杯用左燒白飯魚脆片、黑魚子、北海道紫海膽、沖繩海葡萄、藍鰭吞拿拖羅蓉、三文魚子、白蝦、松葉蟹肉、鮮海帶碎，總共十層而成。成個海鮮杯既食材都好新鮮，冇任何腥味🤤特別要點名讚北海道紫海膽、藍鰭吞拿拖羅蓉、三文魚子同松葉蟹肉！！主角北海道紫海膽喺十層入面足足有三層，啱哂鍾意海膽嘅你～佢味道比平時食開嘅馬糞海膽清淡，但就帶住淡淡嘅甜味，唔會食完佢就食唔到其他刺身嘅味，所以無論係就咁食或者同埋其他配料一齊食，都唔會有賓奪主嘅情況。 芝士年糕 ($48) 🌕🌕🌕🌕🌖(掛住食唔記得左影相) 同坊間嘅芝士年糕有D唔同，出面通常係炸嘅，連埋芝士食一黎比較油膩，二黎食完一個已經feel到滯滯地；但依度就係用烘嘅方法，個人認為年糕嘅比例亦比芝士多，變相冇咁漏，仲可以食到多一份軟糯煙un嘅口感-芝士魚餅 ($48) 🌕🌕🌕🌕🌑雖然只係普通嘅魚餅，但
十層海膽杯 ($398) 🌕🌕🌕🌕🌕
黎得S2 Kitchen，相信好多人都係因為佢冒名而來，愛麗絲都係～～依個杯用左燒白飯魚脆片、黑魚子、北海道紫海膽、沖繩海葡萄、藍鰭吞拿拖羅蓉、三文魚子、白蝦、松葉蟹肉、鮮海帶碎，總共十層而成。成個海鮮杯既食材都好新鮮，冇任何腥味🤤
特別要點名讚北海道紫海膽、藍鰭吞拿拖羅蓉、三文魚子同松葉蟹肉！！主角北海道紫海膽喺十層入面足足有三層，啱哂鍾意海膽嘅你～佢味道比平時食開嘅馬糞海膽清淡，但就帶住淡淡嘅甜味，唔會食完佢就食唔到其他刺身嘅味，所以無論係就咁食或者同埋其他配料一齊食，都唔會有賓奪主嘅情況。
芝士年糕 ($48) 🌕🌕🌕🌕🌖
(掛住食唔記得左影相) 同坊間嘅芝士年糕有D唔同，出面通常係炸嘅，連埋芝士食一黎比較油膩，二黎食完一個已經feel到滯滯地；但依度就係用烘嘅方法，個人認為年糕嘅比例亦比芝士多，變相冇咁漏，仲可以食到多一份軟糯煙un嘅口感
-
芝士魚餅 ($48) 🌕🌕🌕🌕🌑
雖然只係普通嘅魚餅，但都係沾上醬汁後煮，入面夾有流心嘅芝士，不錯不錯～
粟米流心脆餅 ($48) 🌕🌕🌕🌕🌕
外層嘅炸漿非常薄，唔會覺得好熱氣。整體感覺有少少似薯餅，但一Ｄ都唔乾身，芝士嘅濕潤配上粟米，再沾上少許沙津醬，係一個不錯嘅配搭，亦係一個不錯的開胃前菜。
精選3點什錦刺身盛($288) 🌕🌕🌕🌕🌕
牡丹蝦、帶子、魚，三款刺身新鮮就不在話下，而且仲係厚切同大大件，尤其係牡丹蝦，蝦頭嘅膏多不特止，仲非常鮮甜，讚！
黃金海膽燒($136)🌕🌕🌕🌕🌗
即係海膽壽司上鋪上沙津醬之後火灸，加上海帶碎topping，底下有一塊紫菜。一上枱，就聞到濃濃嘅火灸海膽味，待應叫我地要趁熱食，一啖放入口，除左係成口海膽外，就係充滿左罪疚感，過癮過癮😆
原條蒲燒鰻魚飯 ($238) 🌕🌕🌕🌕🌑
依個飯可以話係一個巨型嘅鰻魚壽司，鰻魚足足有一條筷子咁長，剩係拎黎打卡都夠皮！白飯軟硬適中，鰻魚嘅味道亦係意料之內，夾起整條鰻魚大啖大啖咁咬真係好正👍🏻
愛麗絲同朋友都對今次生日飯好滿意，下次去中環搵食又多一個好選擇了！！👅👅
张贴
