Sevva (已結業)

今晚去左Sevva個rooftop bar飲杯野，個景對正立法會，可謂一絕，海景反而冇咁清楚，只望到少量燈飾，不過對住匯豐總行同美利道停車場個景就好靚，望中環海濱個摩天輪的景都唔錯，一開始叫左杯rejuvenating，原來係冇酒精的mocktail，哂氣!味道少少似梳打，但更似生果汁，後來叫左杯Tall, dark, handsome,係一杯有咖啡的cocktail，酒味都幾香，飲落暖暖地，好飲，絕對誠意推介，不過野食就麻麻，事關壽司都係爭鮮級數，但係收$200for 6件去壽司!服左!牛柳粒就還可以，但都幾貴下，9成都係比左個景，下次齋飲野會比較抵玩，不過一到夜晚都幾多人，早少少去就可以walk in霸到海景位。侍應服務都唔錯，不過比較忙，埋單叫野食都要等下，不過去得呢度都唔係趕時間，等下都無咩所謂，同埋我發覺就咁講廣東話都得，之前仲以為要講英文，蠢左。