這間餐廳跟一般omakase 嘅setup唔係好同，不是一排式的座位，而是圍着三邊的座，廚師在中間為你煮理食物。這個setting私隱度沒有那麼高，清楚看到對面客人用餐的情況。
食物方面相當唔錯，我們點了$1380餐。前菜有鯛魚卷，舞蓉菇，炸白蝦。刺身包括手咁大嘅日本真蠔，下口池魚，紫蘇葉大拖羅，鮫鰈魚配赤海膽，左口魚邊配白海膽，煙燻赤鯥。
小食有鬼爪螺，安康魚肝。熟食汁煮太刀魚。
壽司有北寄貝，地目鯛，梳子魚，14日熟成拖羅，銀雪魚，北海道馬糞膽。
全部食材都好新鮮，每道菜廚師都用了心機去配搭。咁嘅價錢，仲可以食到三種唔同嘅海膽。性價比超高。雖然餐廳有點比一般Omakase “熱鬧”，食物質素彌補這方面的缺點，一定會再試。
