滿滿食堂

喺皇后大道中食飯一定貴到喊？呢間「滿滿食堂」絕對係中環OL秘藏飯堂！

$126竟然食到日本和牛鐵板燒，足足150g厚切和牛，油花靚到似大理石紋，放上火山石上慢慢燒，肉汁多到瀉晒出嚟，入口即溶嘅感覺仲正過好多高級餐廳！

鮑魚鐵板雞扒係驚喜之作🐔 原隻鮑魚爽彈鮮甜，雞扒煎到金黃脆皮，鎖住滿滿肉汁，個黑椒醬汁香濃惹味，送飯真係無得頂！

煙三文魚沙律份量十足，新鮮蔬菜配埋鹹香三文魚，完美平衡返鐵板嘅油膩感～

最癲係細心到提供圍裙，以防整污糟客人件衫。環境乾淨企理，完全唔似平民價餐廳！人均$100左右食到高質鐵板，絕對係中環打工仔福音！