Brick by Brick (已結業)

多數來中環都係食西餐或者日本餐，今次朋友竟然約我嚟食馬來西亞菜。好彩朋友預早話要早少少來，因為呢度坐位唔多。餐廳行型格路線，好彩朋友約埋我喺中環站一齊過嚟，如果唔係自己未必會搵到，所以更加增添左神秘感。其實些利街小巷走入來就到。牆上邊啲照片都好靚，另外要讚一讚店員都好細心，好友善，依家難得一見！大熱天時當然要先叫兩倍飲品，我地叫左一支1664 blanc 啤酒同杯冇酒精嘅凍Thai panda lemongrass & ginger tea，兩杯都好清爽好正。今次叫左新鮮海龍躉片咖喱喇沙湯麵，湯底調配得超好，好多海龍躉片，絕對抵食啊！另外就叫左個火熱砂煲香濃肉骨茶，除左打卡一流，味道都好好味，我特別喜歡個蒜香米餅！肉骨茶d肉好軟，湯清得來又濃味，正中馬來西亞口味！用左豬軟骨，肉特別嫩滑。另外仲比咗個蒜醬我地，話如果鐘意濃味，加埋落去食就更好食。