時光逆流 (已結業)

夜晚係中環見完客，諗住去蘭桂坊附近搵野食，係上雲咸街既樓梯口，咁岩見到試業中新餐廳，就入去試下，餐廳有兩層，環境都好簡潔同乾淨，應該係岩岩裝修完，當日唔算太多人，搵左張大枱坐，之後職員好主動拎左杯水俾我，同我講解有咩好食，好多餐都想試下，但因為係試業階段，有D餐仲未有得點，但我見好耐無食牛排，所以點左個日式平鐵牛排定食，味道唔錯，牛排煎得啱啱好，配個冷麵同碗麵豉湯再加上仲有其他伴菜，份量都好足夠，一個人食哂成個餐都好滿足，特別職員既細心服務，真係要俾個like