永樂園餐廳

营业中

休息中

每次經過中環，都會好想幫襯下呢間多年經典既熱狗王。舖頭門面、內裝幾十年如一日。 門口旁邊既熱狗檔不停咁烤住熱狗用既包同香腸。烘得熱辣辣同香脆既包同香腸，再加上大量特製蛋黃醬。 包既熱同醬既冷互相平衡，蛋黃醬既甜味亦完美平衡腸既油膩感。簡簡單單一個雙腸熱狗，成為咗屹立中環多年既經典香港味道。以而家水準睇的話，呢度用既包唔會係最高級，用既香腸唔會係最大條，服務亦唔會係最有招呼最好效率。 但係經典熱狗王既地位，唔係靠呢啲指標刷分就可以取代到既。