威記粥店 (已結業)

間中見到有人用膠袋裝住炒麵油炸鬼外賣，終於比我發現原來出自呢間舊式粥店！今日2人堂食，一點黎到唔使等位，一點三已經開始排長龍。二人點了皮蛋瘦肉粥，碎牛魚肉粥，炸兩，牛脷酥！粥底滑，似打左生粉芡，有少量瘦肉同皮蛋，$19合理。炸兩$11整定一碟碟響廚房，turnover好高幾乎每檯都有叫，腸粉質地較黏。牛脷酥$9香脆甜甜地，有懷舊的味道！每人盛惠$28，好抵食！