河內大娘越南餐廳 (已結業)

係尖沙咀行完街，諗住近近地搵間越南野食晚飯，就上open rice睇下。見到呢間啲食評幾好，就不虞有詐咁去試，點知中晒伏。得個蒸粉包同椰青叫正常，其他真係😵每食完一碟野，侍應仲要即刻執走，明明唔係好多客，最後食晒野飲緊椰青果時，連墊枱張紙都執埋，好似趕人走咁都算，埋單見到仲要加一，真係冇野好講。見到廚師推介生蝦刺身，69蚊有10隻，覺得好抵就叫左來食。點知，來到果碟蝦，居然係同超市買到果種幾十蚊盒有十幾廿隻既急凍越南虎蝦刺身一樣，食落完全冇鮮味，得個汁叫幾好味。叫左咖哩豬頸肉飯，咖哩好淡味唔夠香，豬頸肉係炸左既之後切片，雖然唔硬，但頗乾身。蕃茄蟹肉湯檬，檬粉唔入味，晒左個有蟹肉味既湯底。雖然湯底有蟹肉味幾驚喜，但蕃茄味不足，都係偏淡。檬粉有蝦，扎肉同肉丸等配料，尚可。總結，唔會再幫襯。