影片
更多
2017-08-16
120 浏览
荃灣多嘢食就係人都知～但只要再深入啲捐窿捐罅，話唔定會發掘到啲隱世平民美食！今次一個人來到荃灣，問過啲荃灣地膽，話一定要試一試肉餅哥！拿～淨係聽個舖頭名都知係食咩啦本身以為係茶餐廳／大排檔裝修，點知去到就知係一間是是正正嘅舖頭！由於係星期五嘅晚上，都幾多人等位，等咗大約20分鐘就入去啦～一睇餐牌，有好多出面完全無見過嘅肉餅😵我就膽粗粗叫咗個「泰式冬陰功汁肉餅」試下，咁其實我本身都鍾意食泰菜嘅哈哈😝上肉餅飯之前佢會附送一碗老火靚湯，我飲嘅係「西洋菜湯」，幾鮮甜，但可能落咗少少味精，因為飲完都有啲口渴😐「泰式冬陰功汁肉餅」來啦～賣相其實都幾吸引，我先試咗一啖肉餅先再配菜飯食～欸？！有驚喜喎！真係濃濃嘅冬陰功味，仲要係都幾辣下🌶酸酸辣辣嘅汁，淋上去肉餅度食，再配埋菜飯，係估唔到都幾夾喎😳總括而言，我覺得唔錯，有機會會再來幫襯～但我唔建議一大班人來食，因為鋪面都幾逼下，行都有啲困難，而且一大班人來食應該有排等位😣
話唔定會發掘到啲隱世平民美食！
今次一個人來到荃灣，
問過啲荃灣地膽，話一定要試一試肉餅哥！
拿～淨係聽個舖頭名都知係食咩啦
本身以為係茶餐廳／大排檔裝修，
點知去到就知係一間是是正正嘅舖頭！
由於係星期五嘅晚上，
都幾多人等位，等咗大約20分鐘就入去啦～
一睇餐牌，
有好多出面完全無見過嘅肉餅😵
我就膽粗粗叫咗個「泰式冬陰功汁肉餅」試下，
咁其實我本身都鍾意食泰菜嘅哈哈😝
上肉餅飯之前佢會附送一碗老火靚湯，
我飲嘅係「西洋菜湯」，
幾鮮甜，但可能落咗少少味精，因為飲完都有啲口渴😐
「泰式冬陰功汁肉餅」來啦～賣相其實都幾吸引，
我先試咗一啖肉餅先再配菜飯食～
欸？！有驚喜喎！
真係濃濃嘅冬陰功味，仲要係都幾辣下🌶
酸酸辣辣嘅汁，淋上去肉餅度食，
再配埋菜飯，係估唔到都幾夾喎😳
總括而言，
我覺得唔錯，有機會會再來幫襯～
但我唔建議一大班人來食，
因為鋪面都幾逼下，行都有啲困難，
而且一大班人來食應該有排等位😣
张贴
