阿明印尼餐廳 (已結業)

想入嚟好耐但始終無機會, 呢日卒之的起心肝, 入來一試, 落柯打後即聽到炒鑊聲, 一攞埋嚟椰漿香氣撲鼻, 一隻碟有埋頭盤,主菜同白飯, 頭盤有醃青瓜酸菜, 微微的酸甜剛好作開胃之用, 巴東牛肉用的部位係腿腱(展)應該係為咗容易處理及沒太多油啩, 牛展嘅前工序處理得好肉質鬆軟但唔會散爛, 巴東醬係最後炒埋時落椰漿開稀的, 有感覺到辣但仍然係好溫和, 不會食至頭頂出汗那種, 奶茶沒寄望所以沒失望, 下午茶時間客人不多幾好坐, 下次來再試試其他粉麵,