吞POT 雞煲火鍋.住家菜 (譽發廣場)

叫左個花膠雞煲，普通，雞唔係特別靚，無驚喜。

蝦滑墨魚滑每份88元，點知難食到爆，味道唔識形容，口感同味道都係我一生人中食過最難食嘅。唔怕中伏嘅自己試下。

蟹粉雲吞又係難食到爆，食左一粒就無食。

其他野都無乜特別，貪得意叫左份芝士響鈴，唔係好得，好鹹，同芝士唔夾，食得出係平價芝士，不過可能有人會鐘意，我就麻麻。

食完勁口渴，湯底應該勁重味精，差差差。

服務ok, 環境唔係特別靚, 最重要嘅食物質素與價錢不相符。唔會有下一次。