瀛豐放題料理專門店 (已搬遷) 新店位置

見到d廣告賣相咁好，食評又多好評，雜誌又推介，就專登去試下。坐電梯去到，一開門入店已經聞到有陣陣臭腥味，再望環境，真係嚇一跳。三百幾蚊一位既放題，環境可以咁差，其他二百幾蚊既放題環境仲靚好多。加左118升級食法國生蠔，完全唔掂，比酒店自助餐既生蠔再差一半，朋友食完即時肚屙。帶子海胆，無咩味，海胆有d臭味，唔甜。其他刺身都係無乜味道，唔新鮮，除左鮑片，螺肉有味，其他真係只有口感，沒有味道。泰式炒蜆有沙，味道一般，食物種類不多，熱鍋，一品料理，羊架，炸蠔都無，連最基本既雪糕都無，唔好比相呃，唔會再黎，唔抵食都算，仲要唔好食。唯一安慰係食早場，平幾大蚊，蝕少d.