更多
2019-06-09
538 浏览
好耐之前朋友为庆祝我生日，带我去过尖沙咀分店。今次就到我带两老去试新嘢🤤好在今日收工早，揸车去到先6点，唔洗等位，不过有限时，虽然泊车唔太方便，但方唔方便唔紧要，最紧要好食🤗更理想系坐窗边，边欣赏夜景边食啦，可惜今次无坐到！不过坐中间都系卡位，都够舒适架。部分菜名已经唔记得啦，大概形容下就算😂Fine dining 当然要由冷盘开始，咁啱有优惠，两款有特价，于是叫四款：最欣赏系角落，唔记得影close up嘅沙姜猪手😂沙姜够入味，猪手够爽脆！茄子有少少太咸，捞饭系个唔错嘅选择，就咁当头盘食就唔建议啦！鸡丝凉粉系上海口味，同以前系上海旅行时食到嘅一样，又香又滑，但啲汁太浓稠，食下一味前要𠺘口先食到，唔会系first choice 咁大个女食过最正嘅鸭舌系台北老天禄，如果老天禄系10分，佢都有8分㗎！入味好香，舌头够脆！讲完头盘冷盘，就讲下汤啦：椰皇煲鸡汤（好似系）细细个椰皇，但好足料！平时系屋企，阿妈辛苦一日买埋靓料煲老火汤都唔饮嘅我，居然都赞不绝口🤤👍🏻 仲要阿妈都赞好饮呀！味精就一定有，但唔会咸到口干，仲要留到肉香同材料嘅甘味！一人一个都抵饮呀！然后就到主菜啦，呢度最特别就系够创新，
好在今日收工早，揸车去到先6点，唔洗等位，不过有限时，虽然泊车唔太方便，但方唔方便唔紧要，最紧要好食🤗
更理想系坐窗边，边欣赏夜景边食啦，可惜今次无坐到！不过坐中间都系卡位，都够舒适架。
部分菜名已经唔记得啦，大概形容下就算😂
Fine dining 当然要由冷盘开始，咁啱有优惠，两款有特价，于是叫四款：
最欣赏系角落，唔记得影close up嘅沙姜猪手😂
沙姜够入味，猪手够爽脆！
茄子有少少太咸，捞饭系个唔错嘅选择，就咁当头盘食就唔建议啦！
鸡丝凉粉系上海口味，同以前系上海旅行时食到嘅一样，又香又滑，但啲汁太浓稠，食下一味前要𠺘口先食到，唔会系first choice
咁大个女食过最正嘅鸭舌系台北老天禄，如果老天禄系10分，佢都有8分㗎！入味好香，舌头够脆！
讲完头盘冷盘，就讲下汤啦：
椰皇煲鸡汤（好似系）
细细个椰皇，但好足料！平时系屋企，阿妈辛苦一日买埋靓料煲老火汤都唔饮嘅我，居然都赞不绝口🤤👍🏻 仲要阿妈都赞好饮呀！
味精就一定有，但唔会咸到口干，仲要留到肉香同材料嘅甘味！一人一个都抵饮呀！
然后就到主菜啦，呢度最特别就系够创新，但传统嘢都好好食架：
黑金流沙包，皮薄馅靓，外皮松软流沙香滑，可惜两老都有三高，唔系嘅话一人啪一笼都得🤣
唔知呢间「唐宫小聚」同大陆嘅「唐宫」系咪同一个老板呢？咁讲系因为佢嘅乳鸽实在太太太好食啦！
望下呢个皮嘅光泽🤤仲有若隐若现嘅肉汁
一上枱就闻到劲香！撕开就劲多肉汁流落嚟，够juicy够香仲要够脆。以后唔洗特登去大陆食乳鸽啦！就系为咗呢个乳鸽再返嚟食🤤🤤👍🏻
呢个「馍」有优点都有缺点
优点就系里面嘅五花腩超级好食，肥膏入口即融，瘦肉软糯香甜，系肥婆我最钟意食嘅嘢🤤
但个「馍」就麻麻地啦⋯⋯唔够软都唔够香，有得净食肉就更理想！
之后当然要讲下呢个火烧唔记得咩😂
卖相吸引够新奇，隔离枱外国人仲直接过嚟问可唔可以畀佢影下相。但味道呢，就真系好普通，普通到食完直接忘记呢个菜⋯⋯唔建议食啦。
最后仲点咗个甜品：
望落系寿桃，食落系榴连雪米糍🤤🤭
榴连呢啲嘢一向系爱者爱，恨者恨；味道就系正常嘅雪米糍，值得一赞嘅系皮好薄！有相为证：
少有餐厅有得食榴连甜品，口痕时可以叫返一份。
张贴
