三多炸肶 (已結業)

10年都無入元朗一次，緊係要search下有咩好食！搵左好幾間食店要大吃一番，三多炸脾係第一站！當日烈日當空，三十幾度，地鐵站行到過去已經大汗疊細汗，遠處見到店內人山人海，我同友人目標清晰，叫左一隻雞脾食！索價28蚊，都唔平架！可惜，實在太多人，仲要好多張單唔止買一隻，一等就等左30分鐘，店內只得坐位，冷氣亦不足，熱到暈暈地@@終於等到😭😭😭熱辣辣香噴噴既炸脾出爐！店員隨脾附上膠手套，頗貼心！咬第一啖，有說不出的感動！雞脾肉多汁嫩滑，外皮有蒜香，好夠味，亦好入味！好好味！不過等咁耐，而且要喺極熱既環境下食，抵唔抵就見人見智喇！可惜三多暫時只在大埔同元朗有分店，對九龍人黎講交通十分不便，希望市區快d開番間！下次食會留肚試埋炒腸粉