儷廊咖啡室 (裝修中)

見到有COUPON介紹，一心諗住同老婆仔試下，點知真係應驗咗平野無好野 首先，見到有Sashimi & Sushi，但全晚係無咩人排隊攞，原因係三字記之曰：「唔新鮮」，同時食落口亦無咩味道，咁樣既食物質素唔怪之得個師父全晚勁得閒，係咁係到行來行去。其次，個所謂鮑魚翅湯完全食唔出有鮑魚味，仲要加咗d 不明既藥材，攪到個湯一陣怪味，如果咁樣既食物水準都叫做國際佳餚，我諗香港好多酒店既食物都可以稱讚為世界頂級 另外個印度薄餅難食到好似食緊鞋底，又凍又乾又無味，完全唔明白酒店個位印度廚師點解可以容忍自己國家既美食咁樣被糟蹋，仲有個日式麵檔d食材不但止唔新鮮，仲要將d食物煮到淡而無味，我相信一間普通日式拉麵店都唔會煮到咁難食 最重要既係個餐廳既裝修好似大眾食堂，完全唔似一間酒店既應有水準，唔怪之得星期五晚仲可以有咁多吉位 個廁所又污糟，地下竟然可以有抹手紙而無人理會 唯一可以令人稍感滿意的食物就係Dreyer's 雪糕，真悲哀！