影片
更多
2024-12-14
360 浏览
天氣凍食咩，唔准諗3秒之內答！小編就會揀雞煲加打邊爐！發覺太遲先認識呢一間小店，真係超滋味勁好食✨日本廣島蠔雞煲講到明係雞煲嘅主題店，款式多樣化真係會令人心大心細，最尾都係揀咗：廣島蠔雞煲，絕對唔好睇小半隻雞肉、廣島蠔嘅份量同size，連同係瓦煲一齊滾起，可以稱得上為色香味俱全，個雞煲醬真係越食越滋味，而且雞肉非常滑口，底部仲有好多洋蔥、炸枝竹等等嘅入味配菜。✨牛肉拼盤(細)雞煲又點會唔連埋打邊爐呢，而打邊爐就絕對需要有牛肉拼盤，餐廳嘅牛肉解凍得非常好，食落去嘅口感好軟柔，牛味頗重的。拼盤包括、牛胸爽、牛舌、牛肉粒、雪花肥牛、牛金錢展、手切牛肉、兩個人嘅份量剛剛好。✨自家製炸魚皮必點！真係好大又好厚嘅一片炸魚皮，放入湯底唔會好快就變淋，超邪惡但係勁好食。✨回味五香肉丁餃小店嘅餃子皮薄餡靚，而呢款加入咗五香肉丁就更加香口！✨豐盛雜菜拼盤真係非常之豐盛，有蕃茄、蓮藕、白蘿蔔、淮山、木耳、娃娃菜、生菜、油麥菜、金菇，稱得上係包羅萬有！✨鹹檸七無懼天氣嘅寒冷，打邊爐食雞煲當然要有返杯鹹檸七，特別Gur特別爽！將個鹹檸拮到爛晒先至係最滿足。餐廳播住啲好懷舊嘅音樂，用住啲好懷舊嘅餐具、水杯！係一間
✨日本廣島蠔雞煲
講到明係雞煲嘅主題店，款式多樣化真係會令人心大心細，最尾都係揀咗：廣島蠔雞煲，絕對唔好睇小半隻雞肉、廣島蠔嘅份量同size，連同係瓦煲一齊滾起，可以稱得上為色香味俱全，個雞煲醬真係越食越滋味，而且雞肉非常滑口，底部仲有好多洋蔥、炸枝竹等等嘅入味配菜。
✨牛肉拼盤(細)
雞煲又點會唔連埋打邊爐呢，而打邊爐就絕對需要有牛肉拼盤，餐廳嘅牛肉解凍得非常好，食落去嘅口感好軟柔，牛味頗重的。拼盤包括、牛胸爽、牛舌、牛肉粒、雪花肥牛、牛金錢展、手切牛肉、兩個人嘅份量剛剛好。
✨自家製炸魚皮
必點！真係好大又好厚嘅一片炸魚皮，放入湯底唔會好快就變淋，超邪惡但係勁好食。
✨回味五香肉丁餃
小店嘅餃子皮薄餡靚，而呢款加入咗五香肉丁就更加香口！
✨豐盛雜菜拼盤
真係非常之豐盛，有蕃茄、蓮藕、白蘿蔔、淮山、木耳、娃娃菜、生菜、油麥菜、金菇，稱得上係包羅萬有！
✨鹹檸七
無懼天氣嘅寒冷，打邊爐食雞煲當然要有返杯鹹檸七，特別Gur特別爽！將個鹹檸拮到爛晒先至係最滿足。
餐廳播住啲好懷舊嘅音樂，用住啲好懷舊嘅餐具、水杯！係一間值得支持及流芳百世嘅小店
张贴
