好湯好麵 (名店坊)

平時出街都會選擇食麵，因為份量適中唔會過多，食落又唔會有罪惡感，夜晚食比較輕盈。星期日到銅鑼灣行街，買完一輪衫換季，身心疲累，經過好湯好麵既店見到麻雀雖小，入面客人滿滿。

聽朋友講大圍好湯好麵 再上榜《香港澳門米芝蓮指南 2022》，而家係銅鑼灣再開分店實在太好了。平時出街都好少入大圍咁遠，而家不用特別排隊就可以入去食。

海龍皇湯

我就點左海龍皇湯麵。賣相已經好有食欲，望落個湯好濃味，加上有海蝦、帶子、蠔同蟹肉等，十分足料。飲落個湯濃郁鮮甜，唔會油膩又唔會過咸，連埋個上海麵全碗清哂，飲後無感覺到落左味精既口渴。佢地揀上海麵做麵底好夾個湯，唔會滯之餘又唔會搶左個味，下次一定會回頭再試其他湯底！

麻辣茄子