三河屋•尾張屋

今日走咗去紅磡，走到去明安街，見到呢間餐廳同對面餐廳個招牌一樣。雖然個名唔同，但我相信佢哋應該係分店😮

入到去一坐低，我就叫咗一個雞扒拉麵🍜 豬骨湯底熬製嘅拉麵，令到每一條麵線都包含豬骨嘅味道，鹹度啱啱好👍🏼 不過我覺得粟米粒🌽同埋海帶都有少少韌，仲有進步既空間🙈

雞扒方面，廚師將雞扒切件，每一件既大細剛剛好，入口容易。口感方面，每件雞扒都幾嫩滑。再配上燒汁同豬骨湯，味道都算吸引

麵豉湯

$5

除咗雞扒拉麵之外，我仲額外叫咗個麵豉湯。原來佢用咗白麵豉做湯底，呢個都算少見 加上豆腐，蘿蔔同埋海帶，為呢一碗麵豉湯添上點綴。 不過我覺得麵豉味道略為清淡，呢度同樣有進步嘅空間。