荃灣豐盛酒家 (已結業)

今日去仁濟醫院排期睇耳鼻喉科 ，今日屋企大廈停電晏晝煮唔到嘢食， 所以搭車出去荃灣南豐中心四樓的豐盛酒樓 食個中午飯，先去醫院排期。 佢個午市孖寶都幾抵，仲有白灼菜心贈送 。不過同阿媽一齊嚟，就唔食碟頭伊麵或者炒飯，嗌餸食飯開心啲。梅菜蒸肉餅， 可能午膳時間人流較多，廚房唔夠人手， 肉碎剁得唔夠細 ，一嚿嚿肉出曬嚟 。但係勝在梅菜都夠入味， 應該係用咗上等梅菜， 所以肉餅都夠曬鹹香味 ，相當開胃。 雜菜煲不過不失啦，用料都幾多嘅， 起碼成個煲都裝唔曬。 有西蘭花，小棠菜，雲耳 草菇，腐竹， 粉絲 ，加上佢個汁都幾 濃郁，佐飯都唔錯。