越尚越式粉麵店

今日早早起身，食完个好full嘅早餐後，一直未有餓意，所以索性遲d先食，直到2，3點左右就開始有d餓意，咁就係時候落街食个tea，周圍都見好多野食，但又左諗右諗，左行右行，終於又俾我見到一間食越南野嘅小店，望望个餐牌，下午茶黎講價錢又唔算貴，就入咗去坐底。之後就叫咗A+B套餐，越式春卷+香矛雞翼+凈河粉同一杯咖啡，等咗一陣終於黎了，食落春卷同雞翼又唔錯喎，春卷層皮又幾脆喎，雞翼又ok，我食完仲叫埋多一份外賣攞返俾屋企人食添，值得推介，下次會再黎幫襯。