粗店燒烤 (已結業)

最近臨近聖誕節，想約幾個知己好友食飯傾計。除左平時cafe西餐類型，今次想搵d唔同既菜式，另外因為幾個朋友住喺唔同地方，所以搵左旺角呢個中心點。係openrice search 到呢間串燒店新開，地點方便（旺角豉油街），所以就揀左呢間一試。我地預約左6:30，入去第一個感覺都好新淨舒服，可能因為早所以客人不算多。枱上每人都有一隻碟配有兩種香料，另外中間還有一個爐可以熱住d串燒。因為肚餓，所以都叫左好多野食。前菜小食叫左個藤椒魚皮，這個比想像中好食，魚皮爽脆又有少少辣，非常開胃👍🏻另開又叫左不同既串燒，其中雞軟骨，五花肉，雞翼，牛肉串都好好味，香料十足，食落去十分惹味，叫完第一輪之後都叫左第二輪。另外熟食亦試左幾樣，其中烤茄子特別出色，夠林亦夠蒜香👍🏻另外豬手也不錯，不過一大舊就要撕開幾件先分享到，不過職員都好貼心，有預備埋手套。飲品方面如果你可以飲酒，叫Hoegaarden 生啤很不錯，配搭串燒簡直一流。