靚煲皇 (已結業)

行完奧海城諗住返旺角果邊搵飯食, 行到天橋見到呢間靚煲皇, 記得上年食過都唔錯, 見時間尚早唔洗等位, 一於再encore. 好彩早黎, 大約7點已經坐滿晒人.睇睇餐牌, 除左打邊爐之外, 仲有多款小菜. 夏天最啱食魚鍋, 泰式烏頭用左大量莞茜, 香料調味, 清得黎帶泰式口味, 好開胃且鮮味突出. 魚肉嫩滑唔多骨, 肉厚夠飽滿. 配料既秀珍菇亦都吸收晒魚湯既鮮味.泰式椰香雞, 椰味濃郁夠creamy, 雞肉腍身而嫩滑, 且吸收晒椰汁香味, 汁仲可以撈飯, 味道不錯.