老虎堂黑糖專売 (已結業)

老虎堂一直都好出名，早排黑糖鮮奶仲好爆紅嘅時候，每次行過老虎堂都見到一大班人喺度排隊。嗰時真係冇咩心機等，但係而家熱潮稍為減退。冇咩人等我就可以試吓哩間老虎堂。呢度嘅招牌同台灣嘅老虎堂冇咩分別，嚟到就梗係要飲呢度最出名嘅黑糖厚鮮奶啦。店員提我地飲之前要搖10至15下，直到黑糖珍珠嘅黑糖同埋牛奶混埋一齊飲先最好飲。我試完之後覺得啲鮮奶同喺台灣飲嘅都冇乜分別，而且黑糖冇台灣飲嘅咁甜。但係就一樣咁有咬口。所以除咗價錢比台灣貴之外，其他嘢都係差唔多冇咩分別。