八月堂 (已結業)

喺台灣食過一次八月堂之後，香港又陸續開咗好多間。係台灣食過蘋果嗰個覺得好好食，但又唔記得咗咩味，所以的起心肝去咗買八月堂唔同口味。我哋首先買返嗰個1）青森蜜富士蘋果可頌。甜甜嘅蘋果，仲有啲酸酸地嘅醬，令到成個牛角包冇咁油膩，中和返，感覺好清新。可頌好脆好香口。跟住我哋仲食咗2）黃金流沙可頌。入邊就係流沙奶皇包嘅醬。我哋買返嚟食嗰陣時已經唔熱，但係個可頌仲係好脆。唔知係咪叮翻熱會更加好食呢？入邊嘅無想像中咁流心，但係鹹蛋味好夠鹹香味。3）粉紅戀人，就好似草莓味百力支咁，但餅干變左可頌咁。4）牛奶糖可頌好甜，但都食到有牛奶糖味，鐘意食甜野既人應該會鐘意。5）可可味嗰個我覺得就不過不失啦，佢個可頌都有朱古力味，但係就冇普通嗰啲咁脆。上面嗰幾塊朱古力味道都有d奇怪。中間個醬都覺得有啲奇怪，但冇想像中咁甜所以冇咁漏！但係賣相就好可愛，送俾女性朋友就啱晒啦6）粟子可頌？覺得成個可頌好甜冇乜栗子味，但係細味嘅話，都係會有少少栗子味嘅。好多栗子蓉，但係太甜太漏啦覺得不過不失啦，揀岩自己鍾意嘅口味，個別嘅可頌都係幾出色嘅