eaaat. (V City) (已結業)

星期日放假緊係出去行下，經過見到尼間Eaaat.疫情期間堂食有8折，又未試過既我，決定一試。Lunch Set 再有折望落都幾抵食，我哋嗌咗軟殼蟹蘑菇忌廉意大利粉&黑椒汁紐西蘭肉眼扒配薯菜，加咗一份蘑菇忌廉湯及香草多士。✨蘑菇忌廉湯及香草多士蘑菇忌廉湯味道香濃，口感豐富超多蘑菇粒🤣🤤香草多士唔係一塊乾既包，食落鬆軟🍞✨軟殼蟹蘑菇忌廉意大利粉軟殼蟹超大舊🦀即叫即炸熱辣辣，配菜都幾豐富分別有蘆筍、蘑菇、黃椒等，忌廉汁味道香甜，而且食落非常掛汁意粉食落一D都唔乾👍🏻✨黑椒汁紐西蘭肉眼扒配薯菜賣相幾吸引，不過我唔鍾意啲薯條俾啲黑椒汁浸林哂🥲扣咗唔少分 肉眼扒因為比較薄，所以肉內裏已經全熟，食落比較韌😕口感一般餐廳甜品種類幾多，不過太飽試唔到有機會再試。