金蘭花泰國菜

今日同同事去食午餐，同事介紹呢間金蘭花，佢話食過好好味，於是就同佢一齊上去食。
上到去發現係唐樓入面鋪仔細細，但係有好多人排隊，仲要排到去樓梯。
但幸好位同事已經用whatsapp訂咗位，所以我哋好快就有位坐，細問之下原來whatsapp訂位埋單有88折！！我同佢各自嗌咗一個菠蘿炒飯同一個海鮮炒河，另外職員仲推介個串燒豬鞍。。
炒飯炒得幾好味份量足夠，反而個炒河就嫌佢有啲酸得滯。
最意想不到嘅係個串燒豬鞍，食落真係幾好味， 最後提提大家記得whatsapp book位呀！